Ole Gunnar Solskjær, stjóri Manchester United, segir að vængmaðurinn Alexis Sanchez verði að nýta þau tækifæri sem hann fær á næstu leiktíð.

Sanchez er að renna út á tíma í Manchester en hann hefur ekkert sýnt síðan hann kom frá Arsenal í fyrra.

Solskjær býst við að gefa Sanchez tækifæri á næstu leiktíð en það er undir honum komið að nýta þau.

,,Þeir verða að nýta þau tækifæri sem þeir fá. Alexis er gæðaleikmaður og sýndi það á Copa America áður en hann meiddist,“ sagði Solskjær.

,,Ég held að meiðslin séu ekki svo slæm og hann ætti að vera klár fyrir kannski leikinn gegn Kristiansund eða AC Milan svo hann fær að spila áður en tímabilið hefst.“