Stuðningsmenn Arsenal eru æfir þessa stundina en margir eru ósáttir við eiganda félagsis, Stan Kroenke.
Arsenal er í eigu Kroenke fjölskyldunnar en Stan hefur lítið viljað eyða í leikmenn í sumar.
Margir kvarta yfir því að hann sé gríðarlega nískur og sé alveg sama þó Arsenal takist ekki að vinna ensku úrvalsdeildina.
Josh Kroenke, sonur Stan, var tekinn í viðtal af heimasíðu Arsenal og lét þar orð falla sem margir voru óánægðir með.
,,Ég skil það að stuðningsmennirnir vilji bara að við eyðum peningum en það er ekki þeirra starf,“ sagði Josh.
,,Þeirra starf er að mæta á völlinn og styðja okkur áfram,“ bætti hann við.
Unai Emery, stjóri Arsenal, er í vandræðum en hann fær aðeins um 40 milljónir punda til að eyða í sumar.
