Steve Bruce, knattspyrnustjóri Sheffield Wednesday, fékk að heyra það í æfingaleik liðsins í dag.

Bruce er orðaður við brottför þessa stundina en Newcastle ku hafa áhuga á að ráða hann til starfa.

Bruce stýrði Sheffield í leik gegn Lincoln City í dag og hafði liðið betur með þremur mörkum gegn einu.

Það vakti verulega athygli er stuðningsmaður Sheffield komst inn á völlinn í dag og ræddi stutt við Bruce.

Þar voru ósæmileg orð látin falla en hvað stuðningsmaðurinn hafði að segja er ekki ljóst að svo stöddu.

Líklegt er að hann hafi látið Bruce heyra það eftir sögusagnirnar og vill sjá hann halda trú við Sheffield.

Bruce var ekki mikið fyrir að svara manninum og skildi hvorki upp né niður í því sem var í gangi.