Kolbeinn Sigþórsson er mættur til leiks í Svíþjóð en hann leikur með AIK þar í landi.
Kolbeinn hefur farið hægt af stað með AIK en hann er enn að komast í sitt besta leikform.
Okkar maður var í stuði í dag er lið AIK spilaði við Elfsborg í sænsku úrvalsdeildinni.
Kolbeinn skoraði tvö mörk í 3-0 sigri og voru þetta hans fyrstu tvö mörk fyrir sænsku meistarana.
Mörk Kolbeins komu á 24 og 39. mínútu leiksins og fór hann svo af velli á 75. mínútu.
Ásamt því að skora tvö þá lagði Kolbeinn upp þriðja mark liðsins og var langbesti maður vallarins.
