Stjarnan og Breiðablik léku leiki í forkeppni Evrópudeildarinnar í kvöld en bæði liðin voru á heimavelli.
Stjarnan fékk lið Levadia Tallinn í heimsókn en það lið kemur frá Eistlandi.
Stjörnumenn unnu fyrri leikinn í kvöld með tveimur mörkum gegn einu. Liðið komst í 2-0 en gestirnir minnkuðu muninn í seinni hálfleik.
Hilmar Árni Halldórsson hefði getað bætt við marki fyrir Stjörnuna en hann klikkaði á vítaspyrnu.
Á sama tíma áttust við Breiðablik og Vaduz en það síðarnefnda er eitt besta lið Lichtenstein.
Leiknum lauk með markalausu jafntefli og er því allt opið fyrir seinni leikinn ytra.
Stjarnan 2-1 Levadia
1-0 Þorsteinn Már Ragnarsson(15′)
2-0 Þorsteinn Már Ragnarsson(73′)
2-1 Nikita Andreev(78′)
Breiðablik 0-0 Vaduz
