Jón Daði Böðvarsson, landsliðsmaður, leitar sér að nýju félagi þessa stundina en hann er enn samningsbundinn Reading.

Reading vill losna við Jón Daða af launaskránni í sumar og er hann sterklega orðaður við Millwall.

The Sun greindi frá því í síðustu viku að Millwall væri að tryggja sér Jón fyrir 750 þúsund pund.

Það hefur hins vegar lítið heyrst síðan þá en nú er greint frá því að Jón þurfi að taka á sig launalækkun ef hann á að semja við Millwall.

Frá þessu greinir blaðamaðurinn Courtney Friday en hann starfar fyrir Reading Chronicle.

Millwall vonast enn til að geta klárað kaupin fyrir föstudag en það er undir framherjanum komið.

Einnig segir Friday að annað lið hafi lagt fram tilboð í Jón en óvíst er hvaðan það kom að svo stöddu.