Arnar Gunnlaugsson, þjálfari Víkings R, var ánægður með spilamennsku sína í kvöld þrátt fyrir 1-0 tap gegn FH.

Aðeins eitt mark var skorað í Kaplakrika en það gerði Brandur Olsen fyrir FH beint úr aukaspyrnu.

Júlíus Magnússon var dæmdur brotlegur fyrir utan teig en sá dómur er ansi umdeildur að margra mati.

,,Ef maður tapar fótboltaleik þá er það eftir svona leik. Við fengum fullt af færum og hefðum getað spilað annan leik á meðan FH fagna hér eins og heimsmeistarar,“ sagði Arnar við Stöð 2 Sport.

,,Þetta var góður fóboltaleikur fannst mér en við fengum góð færi til að skora og vinna leikinn.“

,,Ég hefði viljað sjá aðdragandann að markinu, þetta var rosalega soft brot fannst mér. Brandur er með gæði og getur töfrað svona upp úr engu. Þetta var flott mark og það þarf ða virða það.“

,,Mér fannst við góðir en stundum taparðu bara fótboltaleikjum og gerir ekkert rangt, þeir fá eitt færi og skora úr því. Við erum í flottum málum.“