Tom Killick, þjálfari Poole Town á Englandi, er ekki of sáttur út í miðjumanninn Marvin Brooks þessa stundina.

Brooks hefur ekki mætt á æfingar undanfarið en undirbúningstímabil Poole byrjar í næstu viku.

Poole er ekkert stórlið á Englandi en félagið er í sjöundu efstu deild en það fylgir alltaf ákveðin ábyrgð með því að vera knattspyrnumaður.

Brooks ákvað að reyna fyrir sér sem sjónvarpsstjarna og reynir að komast í þáttinn Love Island sem er mjög vinsæll í Bretlandi.

,,Undirbúningstímabilið byrjar í næstu viku og miðjumaðurinn minn er horfinn og er í Love Island,“ sagði Killick.

,,Mér er sagt að hann fái sér lúxusíbúð fyrir sig og að hann þurfi að vera valinn til að komast í aðalþáttinn.“

,,Ég vona að það fylgi þessu allt því hann mun aldrei kaupa sér drykk sjálfur.“