Alexander Hleb, fyrrum leikmaður Barcelona, telur sig vita af hverju þeir Ronaldinho og Deco voru seldir frá félaginu.
Ronaldinho og Deco voru seldir sumarið 2008 en Pep Guardiola var þá nýtekinn við félaginu af Frank Rijkaard.
Hleb gekk sjálfur í raðir Barcelona frá Arsenal sama sumar en hann lék aðeins 36 leiki fyrir félagið á fjórum árum.
Það vakti athygli þegar tvímenningarnir voru seldir og þá sérstaklega Ronaldinho sem var einn besti leikmaður heims.
Hleb segir að Barcelona hafi ákveðið að selja þá til að vernda þá ungan Lionel Messi sem átti eftir að afreka stórkostlega hluti á ferlinum.
,,Ronaldinho og Deco komu fullir á æfingu. Það er ástæðan fyrir því að þeir voru seldir árið 2008. Félagið óttaðist hvaða áhrif það hefði á Lionel Messi,“ sagði Hleb.
Ronaldinho var seldur til AC Milan og Deco gekk í raðir enska félagsins Chelsea.
