Matthjis de Ligt, fyrirliði Ajax er að ákveða framtíð sína en mörg af stærstu liðum Evrópu eru á eftir honum.
De Ligt getur farið til Manchester United, Juventus, PSG, Barcelona og fleiri liða.
PSG er sagt leiða kapphlaupið um De Ligt en umboðsmaður hans, Mino Raiola vill að hann fari þangað. Þar eru mestu fjármunirnir í boði fyrir þá báða.
Samkvæmt Sport á Spáni ráðleggur fjölskyldan honum að fara til Manchester United, þar yrði hann stjarna liðsins.
United er á leið í vegferð þar sem nýtt lið verður byggt upp, De Ligt fengi stórt hlutverk í því. Draumur hans er að spila fyrir Barcelona en í dag myndi hann líklega vera varamaður.
Fjölskyldan hefur sagt De Ligt að fara til United, Börsungar komi svo eftir nokkur ár og kaupi hann.
