Íslenska karlalandsliðið vann gríðarlega mikilvægan sigur í gær er við spiluðum við Tyrki í undankeppni EM. Ísland þurfti í raun á sigri að halda í leik gærkvöldsins til að minnka bilið í baráttunni um efstu tvö sæti riðilsins. Ísland mætti sterkt til leiks á Laugardalsvelli og var staðan fljótt orðin 2-0 fyrir strákunum.

Ragnar Sigurðsson gerði bæði mörk Íslands eftir fast leikatriði með stuttu millibili og staðan 2-0 í fyrri hálfleik. Undir lok hálfleiksins minnkuðu Tyrkir svo muninn með skalla eftir hornspyrnu og staðan í leikhléi 2-1.

Það var rólegra yfir leiknum í seinni hálfleik þar sem engin mörk voru skoruð og lokatölur 2-1 fyrir okkar mönnum. Ísland er nú með jafn mörg stig og Frakkar og Tyrkir en með verri markatölu í þriðja sæti riðilsins

Sigurinn var mikilvægur fyrir Erik Hamren, þjálfara liðsins. Hann er að vinna þjóðina á sitt band. „Ég hef verið hérna í þrjár og hálfa viku og unnið að undirbúningnum á hótelinu,“ sagði Hamrén en Vísir.is hefur þetta eftir honum.

„Það hefur verið sólskin á hverjum degi!“

Fjölskylda Hamrén kom til landsins fyrir síðustu helgi og dóttir hans hefur gaman. „Dóttir mín er hér með konuni. Hún heldur að þetta sé Mallorca.“