Aron Einar Gunnarsson, fyririði Íslands er klár í slaginn fyrir leikinn gegn Albaníu á morgun í undankeppni EM. Leikurinn hefst klukkan 13:00 á Laugadalsvelli.

,,Mér líður mjög vel, ég æfði vel í síðustu viku. Tóm fimm æfingar, sem hefur ekki gerst lengi. Það er mikil ákefð og orka í hópnum, þetta er virkilega jákvætt fyrir leikinn á morgun. Menn eru samstilltir, manni líður eins og það sé meiri orka í hópnum,“ sagði Aron.

Ekki er uppselt á landsleikinn, fyrsta sinn í mörg ár sem ekki er uppselt löngu fyrir keppnisleik hjá strákunum. Slæm úrslit eftir HM í fyrra, hefur orðið til þess að áhuginn er minni.

,,Þegar við eigum hrós skilið, þá fáum við hrós. Þegar við eigum gagnrýni skilið, þá fáum við hana. Það er eins og gengur og gerist, í fótboltanum. Við erum staðráðnir í því að bæta um betur, gera Laugardalsvöll aftur að okkar vígi. Það er það sem við viljum. Fá áhofrendur með, það skiptir okkur máli. Við erum lið á besta aldri.“

,,Áhugi fer eftir úrslitum, auðvitað viljum við fylla völlinn. Hafa lla með okkur í lii, það er undir okkur komið að fá fullan völl. Fá þessa stemmingu sem skilaði árangri, þurfum fólkið með okkur í liði.“

Aron segir að liðið finni pressu á að ná árangri en það komi helst frá þeim sjálfum. ,,Við finnum fyrir pressu, en hún er aðallega frá okkur. Við setjum mikla pressu á okkur, við viljum gera vel. Við þurfum að sækja okkur sjálfstraust, það kemur með úrslitum og árangri.“