Það er ekki víst að Eden Hazard sé á leið til Real Madrid í sumar en hann er sterklega orðaður við félagið.

Sky Sports greinir nú frá því að Real sé ekki tilbúið að borga nálægt þeirri upphæð sem Chelsea heimtar fyrir leikmanninn.

Hazard á 12 mánuði eftir af samningi sínum við Chelsea en félagið vill fá 130 milljónir punda fyrir hann.

Real er aðeins tilbúið að borga 88 milljónir punda fyrir Hazard og er því óvíst hvort félögin komist að samkomulagi.

Hazard vill sjálfur komast burt og spila fyrir Real en það hefur verið hans draumur síðan í æsku.

Hvort félögin komist að samkomulagi verður að koma í ljós en annars gæti Hazard farið frítt næsta sumar.