Juventus leitar sér að nýjum þjálfara til framtíðar, eitt nafn sem hefur komið upp er Jurgen Klopp, stjóri Liverpool.
Flestir telja það ómögulegt að Klopp fari frá Liverpool, þar hefur hann verið að byggja upp öflugt lið.
Tuttosport segir að Klopp sé einn af þeim aðilum sem Juventus horfir til, félagið sé þó meðvitað um að flókið sé að fá hann.
Tuttosport segir að ef Klopp væri til geti Liverpool farið fram á 32 milljónir punda fyrir þýska stjórann.
Max Allegri er hættur sem þjálfari Juventus en auk Klopp eru Jose Mourinho, Maurizio Sarri og Didier Deschamps orðaðir við starfið.
