Sir Alex Ferguson, fyrrum stjóri Manchester United var ekki þekktur fyrir að leyfa leikmönnum að komast upp með neitt, hann vildi helst hafa þá í svörtum takkaskóm og kunni illa við hárgreiðslur sem vöktu athygli.

Þessu fékk David Beckham að kynnast árið 2000, þegar hann hafði rakað á sig hanakamb. Ferguson skipaði honum að raka hann af í hvelli, þegar hann loks sá hann.

Atvikið átti sér stað árið 2000, í klefanum á Wembley fyrir leik gegn Chelsea um Samfélagsskjöldinn.

,,Ég labbaði inn í klefa, hann hafði ekki séð hann. Ég var of hræddur að sýna honum þetta,“ sagði Beckham um málið.

,,Ég hafði farið á æfingu með húfu, ég fór á hótelið með húfu, borðaði kvöldmat með húfu og morgunmat líka. Í rútunni á leið á völlinn setti ég upp húfuna.“

,,Ég fór síðan að gera mig kláran í leikinn, hann sá greiðsluna og sagði mér að raka þetta af.“

,,Ég glotti, hann sagði mér að honum væri alvara. Skipaði mér að raka þetta af, ég varð að finna græjur í það. Ég rakaði hárið af á Wembley.“

Beckham mætti því til leiks sköllóttur eftir skipun Ferguson.