Arnar Gunnlaugsson, þjálfari Víkings R, sá sína menn tapa 4-3 heima gegn Stjörnunni í efstu deild í kvöld.
Víkingar voru alls ekki slakir í leik kvöldsins þrátt fyrir tap og hefur Arnar litlar áhyggjur af standi liðsins.
,,Ég sagði við strákana í hálfleik: ‘Treystiði mér, ég þekki þennan leik og hef spilað hann síðan ég var tveggja ára. Þið voruð miklu betri í fyrri hálfleik svo haldiði bara áfram,‘ sagði Arnar.
,,Þeir gerðu það í seinni en svo allt í einu var staðan 3-0 og svo 4-1. Við stjórnuðum leiknum frá A til Ö.“
,,Ágúst Hlyns, ég hefði borgað mig inná til að sjá þennan leik hjá honum en því miður. Við sýndum karakter og vorum aggressívir en eins og í hinum leikjunum, engin stig.“
Nánar er rætt við Arnar hér fyrir neðan.
