Ole Gunnar Solskjær, stjóri Manchester United ætlar sér að breyta miklu hjá félaginu í sumar. Allt er í klessu og breytinga er þörf.

Solskjær tók við United í desember, þá tímabundið. Hann fékk starfið til framtíðar í mars, síðan þá hefur allt farið í steik.

Solskjær er ósáttur með hugarfar hjá stórum hópi leikmanna en United endaði í sjötta sæti deildarinnar.

Solskjær var óhress með tapið gegn Cardiff í síðustu umferð, sagt er að Solskjær hafi hótað því eftir leik, að helmingur hópsins yrði seldur í sumar. Hann hefur fengið nóg af meðalmennsku og ætlar í miklar breytingar.

Fyrrum framherji félagsins, Solskjær ætlar sér að koma félaginu aftur í fremstu röð en margir efast um að það takist.