Manchester United var niðurlægt í ensku úrvalsdeildinni á sunnudag er liðið tapaði 4-0 gegn Everton. Slæmt tap og frammistaða United var ein sú versta, sem sést hefur.
Eftir leik áttu sér stað harkaleg rifrildi í herbúðum félagsins, leikmenn tókust á um hvað væri að. Ole Gunnar Solskjær, stjóri liðsins ræddi við leikmennina í hálftíma eftir leik.
Mikið verk er fyrir höndum hjá Solskjær, ef hann ætlar sér að koma félaginu í fremstu röð. Solskjær tók við í desember og byrjaði frábærlega, síðan þá hefur hallað hressilega undan fæti.
Á æfingasvæði United í gær var svo klukkutíma langur fundur, þar fór Solskjær yfir öll mistök liðsins gegn Everton. Liðið mætir Manchester City á morgun.
Að loknum fundi með leikmönnum fór Solskjær á fund með sínu starfsliði, þar var farið yfir hvað skal gera í sumar. Hvaða leikmenn skal selja og hvaða leikmenn skal kaupa inn.
Solskjær hefur sagt að hreinsanir verði hjá félaginu í sumar, hann ætlar sér að breyta hugarfarinu í klefanum.
