Löng og ítarleg grein um Aron Einar Gunnarsson, fyrirliða Íslands í knattspyrnu er í enska götublaðinu, The Sun í dag.

Þar er fjallað um það að Aron Einar, eigi hlut í Bjórböðunum sem staðsett eru á Árskógssandi.

Aron Einar leikur með Cardiff í ensku úrvalsdeildinni en í sumar mun hann ganga í raðir Al-Arabi, í Katar.

,,Botninn upp, Aron Einar, hetja Íslands og Cardiff elskar að slaka á í þessu ótrúlega Bjórbaði sem hann á,“ skrifar The Sun um Aron Einar.

Bjórböðin eru afar vinnsæll staður fyrir ferðamenn og ekki síst, heitur pottur sem staðsettur er utan dyra. Þar er magnað útsýni.

The Sun segir að Aron Einar eigi tíu prósenta hlut í Bjórböðunum, sem opnuðu í júní árið 2017.