Dave Kitson, fyrrum leikmaður í enskum fótbolta segir það ekki furðu að hann hafi hætt snemma í leiknum. Hann segir fordóma og ótta karlmanna að stíga út úr skápnum, vont fyrir leikinn.

Kitson er hávaxinn og rauðhærður og hann fékk að finna fyrir því. ,,Ég hef fengið að heyra ljót orð á ferli mínum,“ sagði Kitson

,,Ég ætla samt að taka það fram að ég ætla ekki að bera það saman við þá fordóma sem annað fólk mætir.“

Fótboltinn er að glíma við stórt vandamál, fordómar gagnvart múslimum og svörtum leikmönnum hafa líklega aldrei verið meiri.

,,Kynþáttafordómarar hafa verið mikið til umræðu í vetur, mörg þannig mál hafa komið upp. Ett svona atvik, er einu atviki of mikið,“ sagði Kitson sem fór yfir hluti sem hann upplifði á ferlinum.

,,Ég man eftir ungum samherja mínum sem grét í klefanum, hann hafði orðið fyrir kynþáttaníði frá áhorfanda. Við reyndum að styðja hann eins vel og við gátum.“

,,Það var annað atvik gegn Milwall, á The New Den. Hópur ungra krakka hljóp þá um stúkuna og lék apa og gaf frá sér hljóð, á meðan svartir leikmenn okkar, voru að teygja fyrir framan þau. Þetta gerðist fyrir tiu árum, en við erum ekki í neinni framför.“

Það hefur lengi verið rætt af hverju samkynhneigðir karlmenn, í fótbolta, þori ekki að stíga fram úr skápnum, af ótta við fordóma.

,,Þetta er spurning sem ég fæ reglulega, hvort það séu ekki til samkynhneigðir knattspyrnumenn. Þeir eru til, en það er kannski ein ástæða þess að þeir stíga ekki fram.“

,,Það er óeðlileg árátta frá stuðningsmönnum, fjölmiðlum og sumum leikmönnum að leita þessa samkynhneigðu menn uppi.“

,,Ég þjálfaði konur hjá Reading á síðasta ári, þar voru nokkrar stelpur sem höfðu stigið fram og sagt frá kynhneigð sinni, það var ölum sama. Ég hef síðan horft á þær spila, karlmenn geta lært svo mikið af konum þegar kemur að fótbolta. Hvernig við eigum að tækla nútíma samfélag.“