Kynþáttaníð er eitt af stóru vandamálunum sem knattspyrnuheimurinn glímir við, þrátt fyrir mikla fræðslu og baráttu gegn slíkum fordómum, lifa þeir enn.

Yaya Toure er frá Fílabeinsströndinni og hefur átt magnaðan feril, hann segist hafa ungur upplifað slíka fordóma.

Toure lék þá með Metalurh Donetsk, þegar hann var í kringum tvítugt og viðbjóðurinn sem hann mátti þola, var að brjóta hann andlega.

,,Mér fann ég vera niðurlægður, ég varð síðan reiður. Apahljóðin voru það versta,“ sagði Toure þegar hann rifjaði upp málið.

Toure er að ræða þessi mál mikið þessa dagana, til að vekja athygli á vandamálinu sem lifir enn.

,,Ég varð að venjast þessu, ég man eftir því þegar það var sungið ´Svarti skítur, svarti skítur, drullaðu þér aftur heim.“

,,Þetta var mjög erfitt, ég varð að reyna að halda áfram. Í hverjum leik, kom þetta upp og stundum voru þetta stuðningsmenn liðsins sem ég lék fyrir.“

Yaya var alveg bugaður og leitaði ráða hjá föður sínum. ,,Hann sagði mér að halda áfram, ég yrði að vera sterkur. Hann vildi ekki að þetta hefði áhrif á mig en hann vissi ekki hversu illa mér leið, yfir þessu.“