Jose Mourinho, fyrrum stjóri Manchester United, hatar Paul Pogba, leikmann félagsins meira en pestina. Samband þeirra var afar slæmt.

Ósætti Mourinho við Pogba var ein af ástæðum þess að Mourinho var rekinn úr starfi í desember. Hann og skærasta stjarna félagsins áttu ekki skap saman.

Það hefur reynst United og Pogba vel að Mourinho var rekinn, liðið hefur náð að rétta úr kútnum undir stjórn Ole Gunnar Solskjær.

Mourinho hélt ræðu á þjálfaranámskeiði í Portúgal á dögunum, þar sem hann fór að tala um Pogba.

,,Ég var með leikmann hjá Manchester United sem vildi mæta í heimaleiki á nýja Rolls Royce bílnum sínum en ekki í rútu með öðrum leikmönnum,“ sagði Mourinho.

Mourinho tók aldrei í mál að svona yrði málum háttað, hann sagðist gott að vera laus við Pogba.

,,Ég tók það aldrei í máli, þrátt fyrir ítrekaðar beiðnir frá þessum leikmanni.“

,,Það eru sumar týpur af fólki sem við skiljum aldrei, það er best að taka sér frí frá þannig týpum.“