Lið ÍBV var ólöglega skipað í leik gegn Selfossi í Lengjubikar kvenna þegar liðin mættust 23. mars síðastliðinn. Sara Suzanne Small og Laura Ruzugue léku með ÍBV í leiknum, en eru skráðar í erlend félög.
Í reglugerðum KSÍ um deildarbikarkeppni karla og kvenna, greinum 10.1 og 11.2 segir:
10. SEKTIR
10.1 Lið, sem mætir ólöglega skipað til leiks, skal sæta sekt að upphæð kr. 30.000 og að auki kr. 30.000 fyrir hvern leikmann sem ekki hefur keppnisleyfi með viðkomandi félagi og tekur þátt í leiknum. Félag, sem notar leikmann, þjálfara eða forystumann í leikbanni, skal sæta sektum að upphæð kr. 100.000.
11. STJÓRN KEPPNINNAR
11.2 Félag, sem notar leikmann sem ekki hefur keppnisleyfi með því eða notar leikmann, þjálfara eða forystumann í leikbanni, telst hafa tapað leiknum með markatölunni 0-3 nema tap hafi verið stærra, þá skal sú markatala ráða. Staðfesti skrifstofa KSÍ að þátttakandi hafi verið óhlutgengur í leik skal mótanefnd þegar í stað skrá úrslit leiksins skv. ofangreindu og tilkynna það viðkomandi félögum. Heimilt er að kæra slíka skráningu til aga- og úrskurðarnefndar KSÍ og skal kærufrestur telja frá þeim degi sem tilkynningin er gefin út.
Neðangreindir leikmenn léku ólöglegir með ÍBV:
Nafn leikmanns:
Sara Suzanne Small
Laura Ruzugue
Mót: Lengjubikarinn – A deild kvenna
Leikur: Selfoss – ÍBV
Dagsetning: 23. 03. 2019
Ástæða: Leikmenn skráðir í erlend félög
Ástæða: Leikmaðurin
Í samræmi við ofangreinda reglugerð er ÍBV sektað um kr. 90.000.- Úrslitum leiksins er snúið 3 – 0 Selfoss í hag.
