Zlatan Ibrahimovic, goðsögn sænska landsliðsins, hefur tjáð sig um íslenska landsliðið og Erik Hamren, landsliðsþjálfara.

Zlatan vann með bæði Hamren og Lars Lagerback hjá Svíum en Lagerback náði frábærum árangri með Ísland.

Það hefur gengið erfiðlega í byrjun hjá Hamren en Ísland tapaði 4-0 gegn heimsmeisturum Frakklands í gær.

,,Þeir eru báðir góðir í sínu starfi en eru með mismunandi persónuleika,” sagði Zlatan.

,,Lagerback hugsar mikið um taktík og heldur sig við það sem hann ákveður en Hamren er meira fyrir að breyta til.”

,,Lagerback þjálfaði betra landslið en Hamren hjá báðum liðum. Árangur Íslands er ekki eðlilegur en nú eru úrslitin venjuleg. Venjuleg íslensk úrslit.”

,,Ég er ánægður fyrir hans hönd og vona að liðinu gangi vel í framtíðinni. Ísland hefur spilað erfiða leiki.”

,,Það er ekki eins og Belgía tapi á hverjum degi og Sviss er erfiður mótherji.”