Cristiano Ronaldo er einn allra besti leikmaður í sögu Real Madrid en hann lék með liðinu frá 2009 til 2018.

Ronaldo er í guðatölu hjá sutðningsmönnum Real en hann gerði 311 mörk í 292 deildarleikjum fyrir félagið á níu árum.

Hann samdi við stórlið Juventus í sumar og hefur síðan þá raðað inn mörkum á Ítalíu.

Ronaldo er staddur í Portúgal þessa stundina en hann er partur af landsliðshópi Portúgals sem lék tvo leiki í undankeppni EM.

Aðdáandi Ronaldo hitti hann fyrir leik gegn Serbíu í gær og bað hann um að árita treyju Real Madrid.

Ronaldo var til í að gera það en var þó ekki of hrifinn af því að strákurinn hafi mætt með treyju Real frekar en Juventus.

,,Þú þarft að fá þér treyju Juventus núna,“ sagði Ronaldo áður en hann áritaði treyju stráksins.