Enska landsliðið vann frábæran 5-1 sigur í undankeppni EM í gær er liðið mætti Svartfjallalandi.
Danny Rose lék með enska liðinu í leiknum en hann varð fyrir kynþáttahatri undir lok leiksins.
Þetta staðfesti Gareth Southgate, landsliðsþjálfari Englands en Rose er dökkur á hörund og fékk áreiti vegna þess.
,,Ég heyrði svo sannarlega áreitið í átt að Danny Rose er hann fékk spjald undir lok leiksins,“ sagði Southgate.
,,Það er engin spurning um hvað átti sér stað. Við munum passa að tilkynna þetta. Þetta er ekki í lagi.“
Southgate ætlaði einnig að athuga hvort Raheem Sterling hafi orðið fyrir svipuðu í sigri gærdagsins.
