Jadon Sancho, leikmaður Borussia Dortmund, er einn eftirsóttasti leikmaður Evrópu þessa stundina.

Sancho er aðeins 18 ára gamall en hann er orðinn mikilvægur hlekkur hjá Dortmund og er partur af enska landsliðinu.

Sancho er mikill aðdáandi Alex-Oxlade Chamberlain en hann spilar með liði Liverpool á Englandi.

13 ára gamall Sancho sendi skilaboð til Oxlade-Chamberlain árið 2012 er hann var ungur á mála hjá Watford.

Oxlade-Chamberlain spilaði þá með Arsenal en hann samdi við Liverpool árið 2017 og er nú að glíma við meiðsli.

,,Hvernig verður maður eins og þú? Því ég vil verða eins og þú. Þú ert fyrirmynd fyrir unga krakka eins og mig, ég spila fyrir Watford!“ skrifaði Sancho til landa síns.

Skilaboðin voru send á samskiptamiðlinum Twitter en Sancho fékk þó ekkert svar frá hetjunni sinni.