Hörður Snævar Jónsson skrifar frá Andorra:

Íslenska landsliðið hefur leik í undankeppni Evrópumótsins, í kvöld. Liðið mætir þá Andorra klukkan 19:45. Leikurinn verður afar áhugaverður.

Andorra er ekki hátt skrifað lið en hefur náð góðum úrslitum á heimavelli, liðið pakkar í vörn og beitir öllum helstu brögðum til að kreista fram úrslit. Íslenska liðið gæti þurft að sýna mikla þolinmæði.

Gengi liðsins hefur ekki verið gott undanfarið og Erik Hamren á eftir að vinna sinn fyrsta leik í starfi. Sindri Sverrisson, blaðamaður Morgunblaðsins veltir því fyrir sér í blaði dagsins. Hvort Hamren gæti misst starfið, fari illa í Andorra í kvöld.

,,Það er ekki bara nauðsyn­legt fyr­ir Ísland að vinna í kvöld í hinni erfiðu bar­áttu sem fram und­an er um sæti á EM, það má ætla að Hamrén verði hrein­lega valt­ur í sessi ef ekki vinnst sig­ur, þrátt fyr­ir aðeins sjö mánuði í starfi,“ skrifar Sindri í Morgunblaðið í dag.

Ef allt fer á versta veg í kvöld á Hamren þó leik gegn Frakklandi á mánudag, þar sem hann gæti heldur betur snúið við blaðinu.

,,Þetta er gott tæki­færi til að sýna þess merki að hann sé rétti maður­inn til að leiða Ísland til frek­ari af­reka og ef illa fer hjálp­ar ekk­ert til að benda á óboðleg­ar aðstæður hér í Andorra. „Krafta­verk“ í Par­ís á mánu­dag­inn, gegn heims­meist­ur­un­um, myndi reynd­ar festa Sví­ann strax aft­ur í sessi.“