Xherdan Shaqiri, leikmaður Liverpool hefur ekki getað spilað fótbolta undanfarið en þó iðulega verið í leikmannahópi Liverpool.
Shaqiri hefur ekkert spilað á síðustu vikum og var í gær sendur heim úr verkefni með landsliði Sviss.
Ef marka má Twitter færslu Sviss þá eru það bólgur í kringum kynfæri Shaqiri sem eru ástæðan fyrir fjarveru hans.
Ætla má að um sé að ræða meiðsli í nára en ekki hefur tekist að greina þau almennilega hjá Shaqiri.
Shaqiri kom til Liverpool síðsta sumar, hann byrjaði með ágætum og átti nokkra góða spretti fyrir jól. Bólgurnar í kringum hans allra heilagasta hafa hins vegar hægt á honum.
