Hörður Snævar Jónsson skrifar frá Peralada á Spáni:

Íslenska landsliðið er komið til Spánar, undirbúningur fyrir fyrsta leikinnn í undankeppni EM er hafin. Liðið kom saman í gær og var fyrsta æfingin tekin síðdegis.

Margir af lykilmönnum liðsins voru hins vegar fjarverandi á æfingunni í gær, þannig voru Gylfi Þór Sigurðsson og Alfreð Finnbogason hvergi sjánlegir.

Sömu sögu er að segja af Jóhanni Berg Guðmundssyni en þeir félagar hafa líklega æft á hótelinu. Allir voru að spila um helgina og gæti það verið ástæðan.

Ari Freyr Skúlason var ekki heldur með og Björn Bergmann Sigurðarson var ekki á svæðinu.

Aron Einar Gunnarsson tók fullan þátt í æfingunni og virkar í fínu standi, meiðsli sem hafa hrjáð hann eru smátt og smátt að verða betri.

Liðið dvelur í Katalóníu á Spáni fram á fimmtudag þegar liðið heldur til Andorra, liðið dvelur í Peralada sem er lítill bær.

Það vakti athygli á æfingu liðsins í gær að sterk lykt af hrossataði var á æfingasvæðinu. Lyktin sveimaði yfir æfingasvæðinu en enginn kvartaði undan því.