Jose Mourinho var ekki of hrifinn af Brasilíumanninum Ronaldinho sem lék lengst með Barcelona á ferlinum.
Mourinho skrifaði skýrslu um Ronaldinho fyrir leik gegn Barcelona í Meistaradeild Evrópu.
Skýrslan var skrifuð er Mourinho var fyrst hjá Chelsea árið 2005 en liðið lék þá við Barcelona í útsláttarkeppninni.
,,Mjög slakar varnarhreyfingar og varnarvinnan er slæm. Hann er alltaf að svindla – dettur auðveldlega,“ skrifaði Mourinho um Ronaldinho.
Mourinho fór einnig yfir aðra leikmenn Barcelona en hann talaði sérstaklega vel um Andres Iniesta sem var þá einn besti miðjumaður heims.
Ronaldinho var þekktur fyrir það að vera skemmtikraftur á velli og var kosinn besti leikmaður heims er hann spilaði með spænska liðinu.
