Hörður Snævar Jónsson skrifar frá Peralada á Spáni:

Birkir Már Sævarsson, bakvörður Vals er klár í slaginn gegn Andorra á föstudag, þá hefst undankeppni EM og íslenska liðið hefur hafið undirbúning.

Birkir segir hungur í hópnum en árið 2018, vann liðið ekki einn leik. Það þarf því að snúa skútunni við og koma liðinu aftur í fremstu röð.

,,Ég held að það sé klárt að við viljum fara að vinna leiki aftur, ná frammistöðum sem við vorum að ná fyrir síðast ár. Þrátt fyrir að leikirnir á HM hafi ekki verið slæmir, þá náðum við engum úrslitum nema gegn Argentínu. Við viljum fara að sýna okkar rétta andlit,“ sagði Birkir við blaðamann þegar hann ræddi við hann á Spáni í dag.

Birkir mætti til Spánar á laugardag ásamt starfsfólki KSÍ en hann er eini leikmaðurinn í hópnum sem býr á Íslandi. Hann hefur nýtt tímann vel.

,,Ég tók æfingu í gær með Tom og Freysa í gærmorgun og svo rölt í bænum, svo er ég bara að læra,“ sagði Birkir en námið sem hann stundar gæti komið mörgum á óvart.

,,Ég er að taka bachelor í sænsku, það gengur mjög vel,“ sagði Birkir sem bjó lengi vel í Svíþjóð, þar lék hann sem atvinnumaður.

Birkir skipti um nám um áramótin. ,,Það gengur miklu betur en fyrir áramót þegar ég var í tölvunarfræði, ég skipti núna. Það gekk ekki. Hún náði mér ekki alveg,

Viðtalið við Birki er í heild hérna