Gylfi Þór Sigurðsson, leikmaður Everton, hefur nefnt þann leikmann sem hann leit mest upp til á yngri árum.

Gylfi er einn besti leikmaður Everton í dag og spilar mikilvægt hlutverk í íslenska landsliðinu.

Miðjumaðurinn hefur spilað fyrir lið eins og Tottenham, Swansea og Everton á ferlinum en atvinnumannaferillinn byrjaði hjá Reading.

Þar vann Gylfi með pabba Frank Lampard, fyrrum leikmanni Chelsea en það er leikmaður sem hann leit mikið upp til.

,,Ég horfði mikið á Lampard þegar ég var yngri. Auðvitað spilaði hann í einu af bestu liðum heims á þeim tíma en hann vissi hvenær hann átti að mæta inn í teiginn,“ sagði Gylfi.

,,Formið han svar ótrúlegt, ég tel að hann fái ekki nógu mikið hrós fyrir það. Ég vann með pabba hans hjá Reading í hálft tímabil og það er auðvelt að sjá af hverju hann var svona leikmaður.“

,,Ég naut þess mikið að vinna með pabba hans. Ég myndi ekki segja að hann hafi verið af gamla skólanum en hann lét mig vinna mikið.“

,,Ég lærði mikið að klára færi, að skjóta á markið og smá í þolinu, eitthvað sem þú þarft sem miðjumaður.“

,,Þú lærir meira á hverju einasta tímabili og kynnist eigin líkama betur. Ég finn fyrir því núna. Ég þekki minn líkama betur en þegar ég var 21 eða 22 ára gamall.“