Chelsea er komið áfram í 8-liða úrslit Evrópudeildarinnar eftir leik við Dynamo Kiev frá Úkraínu í kvöld.

Chelsea vann fyrri leik liðanna 3-0 á Stamford Bridge og var því í góðri stöðu fyrir leik kvöldsins.

Sigur þeirra ensku var aldrei í hættu í kvöld og vann liðið sannfærandi 5-0 sigur þar sem Olivier Giroud skoraði þrennu. Chelsea fer áfram samanlagt, 8-0.

Þetta var fyrsta þrenna Giroud í treyju Chelsea en hann er með níu mörk í tíu leikjum í Evrópudeildinni.

Jón Guðni Fjóluson og félagar í Krasnodar voru hársbreidd því að komast með Chelsea í næstu umferð er liðið mætti Valencia.

Jón Guðni lék í hjarta varnarinnar er Krasnodar gerði 1-1 jafntefli á heimavelli en Valencia vann fyrri leikinn 2-1 á Spáni.

Krasnodar var á leið áfram alveg þar til á 93. mínútu leiksins er Goncalo Guedes jafnaði fyrir Valencia og kom liðinu áfram.

Red Bull Salzburg vann þá stórlið Napoli 2-1 í Austurríki en það reyndist ekki nóg þar sem þeir ítölsku unnu fyrri leikinn 3-0 heima.

Dynamo Kiev 0-5 Chelsea (0-8)
0-1 Olivier Giroud(5′)
0-2 Olivier Giroud(33′)
0-3 Marcos Alonso(45′)
0-4 Olivier Giroud(59′)
0-5 Callum Hudson-Odoi(78′)

Krasnodar 1-1 Valencia (2-3)
1-0 Magomed-Shapi Suleymanov(86′)
1-1 Goncalo Guedes(93′)

Salzburg 3-1 Napoli (3-4)
0-1 Arkadiusz Milik(14′)
1-1 Munas Dabbur(25′)
2-1 Fredrik Gulbrandsen(65′)
3-1 Christoph Leitgeb(92′)