„Fyrst og fremst hlakka ég til að tak­ast á við fót­bolt­ann á nýj­an leik,“ sagði Guðjón Þórðarson, þjálfari NSÍ Runavík sem hefur í fyrsta sinn í lengri tíma rætt við íslenska fjölmiðla. Guðjón er í ítarlegu viðtali við Morgunblaðið í dag.

Guðjón fékk sitt fyrsta starf í fótboltanum á dögunum í sex ár, þegar NSÍ réð hann til starfa í úrvalseildinni í Færeyjum. Guðjón byrjar með stæl og vann fyrsta leikinn í deildinni.

„Fót­bolt­inn er alls staðar eins í grunn­inn. Það er mik­il áskor­un að tak­ast á við þetta verk­efni,“ sagði Guðjón sem elskar það að vera mættur aftur í boltann.

„Ég fann strax löngun til að komast í boltann aftur. Mér fannst ég eiga eitthvað eftir sem þjálfari. Í gamni og alvöru er stundum sagt að ekkert komi í staðinn fyrir lyktina úr búningsklefanum.“

Guðjón er einn reyndasti þjálfari Íslands og var afar sigursæll framan af sínum ferli hjá NSÍ er krafa gerð á árangur.

„Press­an er ekk­ert minni hér en ann­ars staðar. Það á að gefa ung­um mönn­um tæki­færi en á sama tíma vinna alla leiki. Maður verður að standa í fæt­urna. Tíma­bilið er langt og strangt. Lítið má út af bregða í fá­menn­um hóp ef einn, tveir eða þrír leik­menn meiðast. Þess vegna eru stærri fé­lög­in bet­ur und­ir það búin þar sem þau hafa úr meiri pen­ing­um að spila til þess að bakka upp sína hópa ef eitt­hvað bregður út af,“ sagði Guðjón við Morgunblaðið