Kórdrengir í 3. deild karla hafa samið við tvo nýja leikmenn en um er að ræða Yohance Marshall og Keston George.

Kórdrengir eru fremur nýtt félag í deildarkeppni á Íslandi en félagið hefur lagt mikinn metnað í starf sitt og komst upp úr neðstu deld síðasta sumar.

Davíð Smári Helenarson og Andri Steinn Birgisson eru þjálfarar liðsins. Yohance er frá Trínídad og Tóbagó og lék með David Beckham hjá LA Galaxy.

Keston er einnig frá sama landi en er miðjumaður á meðan Yohance er miðvörður.

Af Facebook síðu Kórdrengja:
Í dag gengu til liðs við Kórdrengi Yohance Marshall og Keston George. Yohance er 32 ára, stór og stæðilegur miðvörður sem á flottan ferill að baki. Hann spilaði í nokkur ár með landsliði sínu Trinidad Tobacco auk þess sem hann spilaði með La Galaxy á sama tíma og David nokkur Beckham!

Keston á einnig flottan feril að baki sem framsækinn miðjumaður. Hann hefur spilað í Trinidad pro league og var hann einnig valinn í landsliðshóp Trinidad Tobacco 2018.

Kórdrengir halda áfram að sýna gríðarlegan metnað í leikmannamálum og eru markmiðin skýr!
En við erum ekki alveg hættir. Við munum koma með aðra stóra tilkynningu á morgun!

Skemmtilegt video af Yohance jafna gegn Mexico í Concacaf Gold Cup.