Thibaut Courtois markvörður Real Madrid hefur ekki fundið sig á sínu fyrsta tímabili hjá félaginu, fjölmiðlar og stuðningsmenn félagsins hafa gagnrýnt hann harkalega.

Courtois kom til félagsins frá Chelsea en gengi Real Madrid hefur verið slakt og Courtois hefur fengið að heyra það.

Faðir hans er ósáttur með það hvernig sonur hans er teiknaður um sem blóraböggull og lætur nú í sér heyra.

,,Ég er á því að það sé verið að hakka Courtois í sig, fjölmiðlar á Spáni og í Belgíu. Sem faðir hans, get ég ekki látið svona yfir mig ganga,“ sagði faðir Courtois við fjölmiðla í Belgíu, heimalandi þeirra.

,,Markvörður er alltaf tekinn fyrir fyrstur, það er hluti af starfinu. Hann var frábær gegn Ajax en var kennt um fjórða markið, það er bara talað um þau mistök.“

,,Það eru líka hlutir úr persónulega lífinu sem eru í fjölmiðlum, ég sé hvernig fjölmiðlar elta sögur um hann. Ég á erfitt með þetta en sem betur fer skoðar Thibaut þetta ekki.“

,,Hann veit hvað skal gera og veit af hæfileikum sínum, hann efast ekki um sig.“