Það bíða margir spenntir eftir þriðju þáttaröð af Atvinnumönnunum okkar þar sem Auðunn Blöndal heimsækir íslenska íþróttamenn um allan heim.

Auðunn eða Auddi Blö eins og hann er gjarnan kallaður, hefur séð um allar seríurnar til þessa en fer nú á nýjar slóðir í þriðju þáttaröð sem er væntanleg á árinu.

Rúrik Gíslason er einn af þeim sem fær heimsókn frá Audda en hann leikur með Sandhausen í Þýskalandi.

Rúrik er einnig hluti af íslenska landsliðinu og varð heimsfrægur á HM í Rússlandi í sumar. Eins og flestir vita þykir Rúrik vera ansi myndarlegur.

Landsliðsmaðurinn birti mynd af sér ásamt Audda á Instagram í dag þar sem má aðeins sjá á bakvið tjöldin.

Logi Bergmann, sjónvarpsmaður, gat ekki annað en gert grín að þessari mynd og birti skemmtilega færslu á Twitter.

,,Greinilegt hvor valdi þessa mynd. Annar lítur út eins og heimsklassa módel og hinn eins og hann hafi allt í einu áttað sig á að hann gleymdi að skrúfa fyrir gasið,“ skrifar Logi en hann og Auddi eru góðir félagar.

Rúrik tekur sig ansi vel út á þessari mynd en eins og má sjá þá virkar Auddi svolítið hissa!

Greinilegt hvor valdi þessa mynd. Annar lítur út eins og heimsklassa módel og hinn eins og hann hafi allt í einu áttað sig á að hann gleymdi að skrúfa fyrir gasið. pic.twitter.com/kF1ni1pmpq

— Logi Bergmann (@logibergmann) 12 March 2019