Viðar Örn Kjartansson er að öllum líkindum að yfirgefa herbúðir Rostov í Rússlandi fram að sumri. Morgunblaðið segir frá.

Viðar staðfesti við Morg­un­blaðið í gær að Rostov væri búið að fá til­boð í hann um láns­samn­ing frá sex fé­lög­um í þrem­ur lönd­um, Svíþjóð, Kasakst­an og Banda­ríkj­un­um.

Þar eru meðal annars Djurgår­d­en í Stokk­hólmi, Ast­ana í Kasakst­an og New York City í MLS deildinni.

Kasakst­an er hvað þekktast í vestrænum heimi fyrir að vera heimaland Borat, sem gerði vinsælasta kvikmynd. Í Stokkhólmi gæti Viðar úðað í sig sænskum kjötbollum og farið í IKEA, í New York gæti hann svo búið í heimalandi Donald Trump, jafnvel fengið sér íbúð í Trump turninnum.

„Sterk lið hérna í Rússlandi og í Tyrklandi vildu fá mig í janú­ar en ég gat ekki farið þangað sam­kvæmt regl­um vegna þess að það má ekki spila með þrem­ur liðum á sama tíma­bil­inu. Ég get hins­veg­ar farið til þess­ara þriggja landa þar sem nýtt tíma­bil í þeim er að hefjast eða er hafið á ár­inu 2019,“ sagði Viðar við Morg­un­blaðið í gær.

Viðar gekk í raðir Rostov síðasta sumar en hefur gengið illa að festa sig i sessi, hann hefur fengið fá tækifæri þrátt fyrir litla markaskorun liðsins.