Það hefur vakið athygli hversu lítið Albert Guðmundsson hefur fengið að spila með AZ Alkmaar í Hollandi á þessu ári. Albert gekk í raðir félagsins síðasta sumar og fór vel af stað.

Eftir jól hefur hins vegar hallað undan fæti, Albert hefur verið á bekknum og AZ hefur gengið vel í efstu deild Hollands.

Albert er fæddur árið 1997 og hefur í mörg ár verið talinn næsta stjarna íslenska fótboltans. Guðmundur Benediktsson er faðir Alberts en hann fór yfir vandræði hans í dag.

„Hann hefur mest verið að spila út á hægri kanti. Það er verið að spila 4-3-3 með fyrirliðann í tíunni. Það er gaur sem er teiganna á milli. Albert datt út úr liðinu rétt fyrir jól, þá var liðið búið að vera lélegt í nokkra leiki og Albert lenti í holu,“ sagði Gummi Ben í DR. Football í dag.

Guðmundur segir að Albert leggi mikið á sig til að komast á flug aftur.

„Eftir jól vann AZ fyrstu átta leikina og fékk varla á sig mark. Albert sat áfram á bekknum og situr enn. Hann bíður eftir tækifærinu og æfir bara meira.“

Doc x G.Benhttps://t.co/bqNbLp2JSr

— Hjörvar Hafliðason (@hjorvarhaflida) March 11, 2019