Heiðari Austmann, útvarpsstjörnu á K100 blöskrar hvernig vinir sínir og samherjar í stuðningsmannafélagi, Liverpool haga sér á samfélagsmiðlum í gær og í dag. Nokkuð hefur borið á því að stuðningsmenn Liverpool séu að hrósa Manchester United og spilamennsku liðsins.

Manchester United vann magnaðan sigur á PSG í gær í Meistaradeild Evrópu, eftir að hafa tapað fyrri leiknum á heimavelli 0-2 þá vann United 1-3 sigur í París í gær. Liðið fór því áfram í átta liða úrslit á fleiri mörkum skorað á útivelli.

Þetta hefur hrifið knattspyrnuheiminn og einnig stuðningsmenn Liverpool sem yfirleitt er frekar illa við Manchester United. Heiðar er ekki einn af þeim og les yfir samferðamönnum sínum í stuðningsmannahóp Liverpool á Íslandi.

,,Sorry en ég bara verð að koma þessu frá mér en hvað er í gangi með marga Liverpool vini mína? Flykkjast á FB og samfélagsmiðla til að hrósa Man Utd fyrir æðislega frammistöðu í leiknum í gær. Frábært að taka the „high road“ og þess háttar en fyrr má nú aldeilis fyrr vera,“ skrifar Heiðar og honum virðist vera nokkuð heitt í hamsi.

Heiðar segir flesta stuðningsmenn United vera lítið fyrr það að hrósa Liverpool og þeirra afrekum.

,,Eru LFC vinir mínir að gleyma því að þessir Man Utd búðingar eru þeir fyrstu til að fara á samfélagsmiðla og drulla yfir púlara þegar illa gengur, bókstaflega hlakkar í þeim þegar að liðið, stuðningsmenn eða þjálfari hrasar.“

,,Fyrir mína parta hef ég ekki séð EINN Man Utd stuðningsmann hrósa LFC opinberlega þegar vel gengur. Sýnir kannski enn og aftur hvað það er mikill munur á stuðningsmönnum, aðrir kunna að fagna þegar mótherja gengur vel, hinir …… tja eru bara eins og þeir eru.“

Heiðar endar pistilinn svo á því að segja sína skoðun á málinu. ,,Mér gæti ekki verið drull hvort að Man Utd spili vel eða ekki.“