Anthony Joshua, einn fremsti hnefaleikakappi í heimi stendur við bakið á Cristiano Ronaldo, einum besta knattspyrnumanni í heimi. Ronaldo hefur á síðustu mánuðum verið sakaður um grófa nauðgun og svikið undan skatti. Hann þurfti að borga 19 milljónir evra til skattsins í upphafi árs fyrir svikin.
Ronaldo þurft þannig að greiða hressilega sekt vegna þess að hafa ekki greitt skatta sína til fulls á Spáni þegar hann lék með Real Madrid. Kathryn Mayorga segir að Ronaldo hafi nauðgað sér árið 2009, atvikið á að hafa átt sér stað í Las Vegas. Joshua styður við Ronaldo hann segir að íþróttamenn í fremstu röð fái alltaf að finna fyrir því frá konum og skattinum.
Þar var Ronaldo í sumarfríi með vinum sínum áður en hann samdi við Real Madrid og varð dýrasti knattspyrnumaður í heimi. Lýsingarnar frá Mayorga eru afar óhugnanlegar en þar fer hún yfir málið í öllum smáatriðum. Hún skrifaði undir bréf þess efnis um að tjá sig aldrei um málið, fyrir það fékk hún talsverðar fjárhæðir. Atvikið á að hafa átt sér stað þann 12. júní árið 2009, Mayorga var 25 ára á þeim tíma og vann við það að lokka gesti inn á skemmtistað. Þar hitti hún Ronaldo, á Rain skemmtistaðnum.
Þau fóru síðan á hótelið þar sem Ronaldo dvaldi og þar á hin meinta nauðgun að hafa átt sér stað. Ronaldo hefur alltaf neitað sök en það eina sem er ljóst er að hann greiddi Mayorga 375 þúsund dollara til að segja ekki orð. Nú þegar hún hefur tjáð sig ber henni að endurgreiða Ronaldo alla þessa upphæð.
,,Ég hef alltaf sagt það, það eru tveir hlutir sem slátra þér sem íþróttamanni, það eru konur og skatturinn,“ sagði Joshua.
,,Það er búið að slátra Ronaldo fyrir bæði en hann bara brosir, hann er sterkur. Þú þart að vera andlega sterkur til að þola svona árásir, hann hefur sannað það.“
Joshua segir að Ronaldo sé fjölskyldumaður og hann kann vel við kappann.
,,Hann er fjölskyldumaður, hann leggur mikið á sig og geri allt til þess að ná árangri. Hann gerir allt, ég kann vel við Ronaldo.“
Skoðun Joshua er afar umdeild og hefur þessi öflugi íþróttamaður fengið mikið af hatri yfir sig eftir að hann lét orðin falla.
