Coleen Rooney leitaði í hús guðs til að reyna að koma sér í gegnum nýjustu áföllin í hjónabandinu. Eiginmaður hennar, Wayne Rooney, einn besti knattspyrnumaður í sögu Englands er að valda henni vonbrigðum, reglulega.
Coleen fór í kirkju nýlega til að finna innri frið og fá hjálp, athygi vakti að hún var búin að setja upp giftingahring sinn á nýjan leik, hann fór af hendi hennar i nokkra daga eftir að allt komst upp. Rooney hefur beðið um fyrirgefninu.
Rooney, fyrrum fyrirliði Manchester United, komst í fréttirnar í síðasta mánuði eftir ölvun á almannafæri. Rooney var handtekinn á flugvelli í Washington en hann var í annarlegu ástandi eftir langt flug.
Þau eru búsett í Bandaríkjunum þessa stundina en Rooney samdi við DC United í MLS-deildinni á síðasta ári. Samkvæmt miðlum ytra hangir hjónaband þeirra á bláþræði og er ástæðan sögð vera sú að eftir að Rooney hafi drukkið ótæplega á bar og reynt að tæla afgreiðslustúlku. Atvikið átti sér stað á Florída þar sem Rooney var í æfingaferð.
Coleen ákvað síðar að fara í frí með börnum þeirra hjóna og foreldrum sínum til að ná áttu.
Enskir miðlar halda áfram að fjalla um málið og var einnig greint frá því að Coleen hafi skipað Rooney að leita sér aðstoðar og að hann fari í meðferð, það yrði ekki fyrsta meðferðin samkvæmt enskum miðlum.
Enskir miðlar segja frá því að Rooney hafi farið á mikið og langt fyllerí eftir tap gegn Íslandi á Evrópumótinu í Frakklandi. Þar fór Rooney á fyllerí í nokkra daga og Coleen lét hann fara að hitta áfengisráðgjafa. Þar ræddi hann málin og tók sig á.
Nú er greint frá því að Coleen sé að íhuga að skilja við eiginmann sinn en þau hafa verið gift frá árinu 2008.
Talað er um að Coleen sé orðin mjög þreytt á lífstíl þeirra hjóna en hún hefur þurft að fórna miklu fyrir Rooney síðan knattspyrnuferillinn hófst.
Hún vill nú fá að setja sjálfa sig í fyrsta sætið en síðan þau fluttu til Bandaríkjanna hefur líf hennar aðeins snúist um Rooney og börn þeirra.
Það gæti því verið að einn stærsti sliknaður í sögu Bretlands sé að eiga sér stað og er ekki ólíklegt að hann endi illa.
Rooney vill alls ekki missa eiginkonu sína en hann hefur lofað of mörgu upp í ermina á sér og virðist ekki ætla að breyta lífstílnum þrátt fyrir fjölmörg tækifæri.
