Þeir Rúrik Gíslason og Guðlaugur Victor Pálsson áttust við í þýsku annarri deildinni í dag.

Rúrik leikur með liði Sandhausen og lagði upp eina mark liðsins í 1-1 jafntefli við Darmstadt.

Guðlaugur Victor samdi við Darmstadt fyrr á þessu ári en hann hafði leikið með Zurich í Sviss.

Það skref kom aðeins á óvart en miðjumaðurinn var fyrirliði Zurich sem er í Evrópudeildinni.

Rúrik lagði upp mark Sandhausen í dag en Guðlaugur Victor nældi sér í gult spjald á 64. mínútu.

Það er ansi skondið að það spjald fékk hann fyrir að brjóta einmitt á Rúrik, liðsfélaga sínum í íslenska landsliðinu.

Ekkert var gefið eftir í Íslendingslagnum í kvöld. Guðlaugur Victor fékk til að mynda gult spjald í leiknum fyrir að brjóta á Rúrik. pic.twitter.com/jzcsEvXqse

— Íslendingavaktin (@Islendingavakt) 15 February 2019