Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í Evrópu er lokaður í stærstu deildunum en slúðrið heldur áfram að rúlla.
Hér má sjá pakka dagsins.
Ole Gunnar Solskjær verður ráðinn endanlegur þjálfari Manchester United en félagið gæti beðið með að tilkynna það til í sumar. (Sun)
Solskjær hefur sannfært miðjumanninn Fred um það að hann eigi enn hlutverk hjá félaginu. (MEN)
Wolves er líklegast til að fá hinn 19 ára gamla Joao Felix sem spilar með Benfica í Portúgal. (Mirror)
Chelsea vill fá miðjumanninn Franck Kessie frá AC Milan en Milan kaupir Tiemoue Bakayoko. (Star)
Juventus er sagt líklegast til að fá Matthis de Ligt, efnilegan 19 ára varnarmann Ajax. (Calciomercato)
Juventus er einnig að skoða það að fá Isco frá Real Madrid til að taka við af Paulo Dybala sem gæti farið í sumar. (Tuttosport)
Peter Schmeichel, goðsögn Manchester United, segir að sonur sinn Kasper gæti yfirgefið Leicester City því hann er óánægður undir stjórn Claude Puel. (Sun)
