Það er hausverkur fyrir Jurgen Klopp, stjóra Liverpool næstu daga að fá miðverði sína til að komast út á æfingasvæði.
Dejan Lovren byrjaði í hjarta varnarinnar hjá Liverpool í gær þegar liðið féll úr leik í enska bikarnum, hann fór af velli snemma leiks vegna meiðsla.
Virgil van Dijk, sem er besti varnarmaður liðsins meiddist lítilega gegn Manchester City. Óvíst er hvenær hann hefur æfingar aftur.
Joe Gomez og Joel Matip hafa verið frá síðustu vikur vegna meiðsla en möguleiki er að annar þeirra geti hafið æfingar á næstunni. Liverpool mætir Brighton um næstu helgi í ensku úrvalsdeildinni.
