Leicester City á Englandi hefur tryggt sér vængmanninn Rachid Ghezzal en þetta var staðfest í dag.
Ghezzal er 26 ára gamall leikmaður en hann kemur frá Alsír og hefur undanfarið ár spilað með Monaco.
Ghezzal er þekktastur fyrir tíma sinn hjá Lyon þar sem hann lék 87 leiki og gerði 11 mörk á fimm árum,.
Ghezzal fær stórt verkefni hjá Leicester en hann á að fylla skarð Riyad Mahrez sem fór til Manchester City.
Ghezzal gerir fjögurra ára samning við Leicester en hann er talinn kosta 14 milljónir punda.
