Jose Mourinho, stjóri Manchester United, skilur pirringinn í Alexis Sanchez í nótt er United tapaði 4-1 fyrir Liverpool í æfingaleik í Bandaríkjunum.

Sanchez hefur oft spilað betur en í leiknum í nótt en margar stjörnur United eru enn í sumarfríi og voru ekki með í tapinu.

Mourinho skilur það vel að Sanchez sé ekki ánægður að spila með svona ungum og óreyndum leikmönnum United.

,,Býstu við að hann sé mjög ánægður með þessa leikmenn í kringum sig?“ sagði Mourinho.

,,Við erum ekki að spila hérna til að bæta liðið. Við erum að spila hérna til að reyna að lifa af og ná í ekki svo ljót úrslit.“

,,Alexis er eini sóknarmaðurinn sem við erum með. Við erum ekki með vængmenn og ekki framherja.“

,,Hann er sá eini sem er hér og greyið maðurinn er að reyna sitt besta. Hann er pirraður því hann vill meira.“