Bournemouth á Englandi hefur fest kaup á bakverðinum Diego Rico. Þetta staðfesti félagið í dag.
Rico er 25 ára gamall leikmaður en hann hefur undanfarin tvö ár spilað með Leganes á Spáni.
Rico var fastamaður í liði Leganes á síðustu leiktíð en hann spilaði alls 58 leiki fyrir liðið á tveimur árum.
Rico er uppalinn hjá liði Zaragoza en hann lék 106 leiki fyrir aðalliðið en hafði áður spilað með B liði félagsins.
Samkvæmt BBC hefur Rico samþykkt fjögurra ára samning við Bournemouth og kostar hann 10,7 milljónir punda.
Borussia Dortmund sýndi Rico mikinn áhuga í sumar en hann ákvað að taka skrefið til Englands.
