Newcastle United hefur losað sig við þá Jesus Gamez og Massadio Haidara en þetta staðfesti félagið í dag.
Báðir leikmennirnir eru að verða samningslausir og fá ekki nýjan samning á St. James’ Park.
Gamez er 33 ára gamall bakvörður en hann kom til Newcastle frá Atletico Madrid árið 2016.
Það gekk erfiðlega hjá Gamez hjá Newcastle en hann kom aðeins við sögu í sjö deildarleikjum á tveimur árum.
Haidara hefur verið hjá Newcastle í fimm ár eftir dvöl hjá Nancy en spilaði aðeins 39 deildarleiki. Hann er 25 ára gamall.
